Caprice Music:ista

500 alpumititteliä 50 vuen aijalta

Caprice Music oon musikkipuulaaki klassisessa ja nykyaijan taitemusikissa, elektroakystisessä musikissa, jassissa, kansan- ja mailmanmusikissa ja lasten- ja nuorisonmusikissa.

Meät perustethiin levypuulakinna 1971 ja meän suuressa katalookissa oon enämpi ko 500 alpumititteliä yli 50 vuelta. Katalookissa oon kansa histuurisia tokymentasuunia, kokoelmapainoksia ja säveltäjäporträttiä.

Met olema sielä missä sie kuuntelet musikkia  

Tänä päivänä met tehemä uusjulkasun kansa töitä, päämääränä ette musikki pittää olla saatavilla niissä ohjelmissa ja formaatissa missä mielumin kuunelthaan musikkia nykysin. Meän julkasuissa oon eksklysiiviä LP-painoksia, tikitaalia alpummia ja pottia jokka antavat uusia perspektiiviä musikille ja yhtheyksille joissako niitä luothiin.

Met annama kansa ulos uusia tuotantoja liitetty kulttuuriperinthöön ja entisheen ei ulosannethuin materiaahliin kulttuurihistuurisista kokoelmista. Met olema osa virastosta Valtion musikkilaitoksesta/Statens musikverk.

Arvostettuja painoksia ja yhtheistöitä

Suuriin osa musikista jotako met julkasemma oon ruottalaisitten artistitten, muusikoitten ja säveltäjitten tekemiä, mutta eustettuna oon musikkia koko mailmasta.

Meän painoksitten seurassa huomaa muun muassa kulttijulistettu sarja Svensk Jazzhistoria, Sofia Jannokin Áššogáttis – By the Embers, Don Cherryn Organic Music Society, mailmanmusikkisarja Music From, Karl-Birger Blomdahlin uuppera Aniara ja Oddjob:in grammisvoittaja Folk.