Kotar o Caprice Music

500 albumija ko 50 berš

Caprice Music tani jekh muzičko firma ki klasično, umetničko, elektroakustično, jazz, folk- hem čhavorikani- hem ternikani muzika.

Amen startirinđam i firma e beršeste 1971 hem amaro katalog isi olje prekalo 500 albumija ko prekalo 50 berš. O katalog isi olje hem historisko dokumentacia, kompilacije hem but avera buča.

Amen hijam othe kaj tu šuneja i muzika

Avdije publicirinaja i purani muzika ko popularna platforme hem ko odola formatija so šunela pe i muzika avdije. Amen isi amen ekskluzivna LP ploče, digitalna albumija, podkastija so dena neve

perspektive ki muzika hem konteksti keda čerđe pe.

Amen publicirinaja nevi produkcia so isi ola konekcia ki kultura hem materialija so na hine publicirime angljeder. Amen hijam jekh delo kotar i institucia Statens musikverk.

Nagrade hem saradnja

Amen najviše publicirinaja muzika so čerena o Švedska artistija, muzičarija hem kompozitorija, ama hem isi amen muzika reprezentirimi kotar celo sveto.

Akate koro amende šaj te arakhe celo seria kotar Svensk Jazzhistoria, kotar i Sofia Jannok Áššogáttis – By the Embers, kotar o Don Cherry Organic Music Society, muzika penđardi ko celo sveto Music From, kotar o Karl-Birger Blomdahl opera Aniara hem kotar o Oddjob Folk so dobinđa Grammi nagrada.